ՀԱՅ
ENG

Մեր մասին

Wilco-ն ակտիվների կառավարման ընկերություն է, որն առաջարկում է անհատականացված ծառայությունների և նորարարական լուծումների եզակի համադրություն՝ նախատեսված բարձր զուտ կարողություն ունեցող անհատների և ընտանեկան գրասենյակների համար: Հասկանալով սերունդների ընթացքում ձևավորված և նորաստեղծ կապիտալի միջև նրբությունները՝ մենք երկուսն էլ սպասարկում ենք բարձր ճշգրտությամբ։ Անկախ նրանից՝ աշխատում ենք բազմասերունդ ընտանեկան գրասենյակների, թե առաջին սերնդի ձեռնարկատերերի հետ, մենք ձևավորում ենք անհատական մոտեցում, որը համապատասխանում է յուրաքանչյուր հաճախորդի յուրօրինակ ակնկալիքներին, արժեքներին և ձգտումներին։
Արժեքներ
Մեր հաջողության գրավականը
Վստահություն
Վստահությունը մեր ամենաարժեքավոր ակտիվն է։ Դրանով ենք առաջնորդվում թե՛ հաճախորդների, թե՛ թիմակիցների հետ հարաբերություններ կառուցելիս։ Մեր հաճախորդներին ճանաչում ենք ավելի լավ, քան որևէ մեկը, միշտ պահում ենք խոստումներն ու գործում՝ ըստ պայմանավորվածության։ Մենք հետևողականորեն հասնում ենք արդյունքների, արդարության հարցում անզիջում ենք, իսկ գաղտնիության պահպանման մեջ՝ անսասան։ Մեր հաճախորդներն ընտրում են Wilco-ն, քանի որ վստահում են մեզ, և մնում են մեզ հետ, քանի որ շարունակաբար ապացուցում ենք, որ նրանց վստահությունն արդարացված է։
Մեր որոշիչ առավելությունը
Ստեղծարարություն
Որտեղ մյուսները տեսնում են խոչընդոտներ, մենք տեսնում ենք հնարավորություններ։ Պահպանողական շուկայում տարբերվում ենք մեր յուրօրինակ մտածելակերպով, համարձակ գործողություններով և խոչընդոտների հաղթահարման ոչ ստանդարտ լուծումներով։ Մենք ընդունում ենք ոչ ավանդականը, փորձարկում ենք առանց վախի, ձևավորում ենք միտումները՝ այլ ոչ թե հետևում դրանց։ Այս ամենն ուղղված է մեկ կարևոր նպատակի՝ ստեղծել տևական արժեք մեր հաճախորդների համար։
Մեր ներքին ուժի աղբյուրը
Կենսունակություն
Մեզ առաջնորդում է աշխատանքի հանդեպ անկեղծ հետաքրքվածությունը։ Ներդրումների կառավարումը պարզապես մասնագիտություն չէ մեզ համար՝ դա այն է, ինչով մենք սիրում ենք զբաղվել։ Մեր հաճախորդների կողմից դրված խնդիրներին վերաբերվում ենք ամենայն լրջությամբ, արձագանքում ենք արագ և անում սպասվածից ավելին՝ առանց դրա վրա ուշադրություն սևեռելու։ Մեր գործունեությունը չի սահմանափակվում միայն բիզնեսով․ մենք հոգ ենք տանում մեզ շրջապատող մարդկանց և այն աշխարհի մասին, որում ապրում ենք։
Բաժնետերեր
Ղեկավարություն
Կառուցվածք
Պատասխանատվություն

  • Բիզնես վարքագիծ և էթիկա

    Wilco-ում մեր գործունեության հիմքում վստահությունն է, պատասխանատվությունն ու հարգանքը: Մենք պահպանում ենք առավելագույն թափանցիկություն մեր հաճախորդների և գործընկերների հետ հարաբերություններում, առաջարկում ենք միայն այն լուծումները, որոնց ինքներս հավատում ենք, և լիովին պատասխանատու ենք մեր գործողությունների համար։ Մենք ձևավորում ենք բաց հաղորդակցության, պրոֆեսիոնալիզմի և միասնականության մշակույթ, որտեղ խրախուսվում է անկախ մտածողությունը: Հավատարիմ լինելով շարունակական կատարելագործմանը՝ մենք կարևորում ենք հետադարձ կապը և յուրաքանչյուր մարտահրավեր դիտարկում որպես աճի հնարավորություն:

  • Նվիրվածություն Հայաստանին

    Հայաստանը Wilco-ի ինքնության և երկարաժամկետ տեսլականի անբաժանելի մասն է։ Միջազգային լավագույն փորձը տեղական հնարավորությունների հետ համադրելով՝ մենք նպատակ ունենք խթանել նորարարությունը, նպաստել տնտեսական զարգացմանը և ամրապնդել Հայաստանի դիրքը միջազգային շուկաներում։

Կայքի բովանդակության հայերեն և անգլերեն տարբերակների միջև որևէ անհամապատասխանության դեպքում գերակայում է հայերեն տարբերակը։ Wilco-ն պատասխանատվություն չի կրում արտաքին հղումներով կայքերում տեղադրված տեղեկատվության ճշգրտության համար, ինչպես նաև չի կրում որևէ պատասխանատվություն գովազդային բովանդակության կամ նման կայքերում երրորդ անձանց կողմից տրամադրված տեղեկատվության օգտագործումից առաջացած հետևանքների համար։

© 2025 WILCO Կապիտալի կառավարման ընկերություն.
  • ՀՀ, ք. Երևան, 0002, Մարտիրոս Սարյան, 26/2