Wilco ընկերությունը հանդես եկավ՝ որպես «Հալդե 2025» արարողության գլխավոր հովանավոր։ Միջոցառումը տեղի ունեցավ հուլիսի 13-ին, Հայաստանի ամենաբարձր լեռնային լճերից մեկի՝ Քարի լճի ափին։ Այն համախմբեց գինու սիրահարների, ոլորտի մասնագետների և մշակույթի գործիչների, ովքեր ականատես եղան յուրօրինակ ավանդույթի՝ լճից 24 ամիս ստորջրյա եղանակով հնեցված «Հալդե» գինու շշերի դուրս բերմանը։

«Հալդե» գինու և «Մարան» գինու գործարանի ներկայացուցիչները միջոցառման հյուրերին տեղեկացրին, որ բարձրադիր Քարի լիճը, իր սառնորակ ջրով և յուրահատուկ բնական միջավայրով, իդեալական պայմաններ է ստեղծում գինու հասունացման համար՝ հարստացնելով դրա գույնը, համն ու որակը։

«Հալդե» գինիների արարողության հովանավորումը պատահական ընտրություն չէր։ Այն արտացոլում է Wilco ընկերության նվիրվածությունը հայկական մշակույթին ու ժառանգությանը և այն համոզմունքը, որ իսկական հարստությունը չափվում է ոչ միայն թվերով, այլև այն ավանդույթներով ու փորձառություններով, որոնք փոխանցում ենք սերունդներին։

Մայիսի 16-ին կայացավ Wilco կապիտալի կառավարման ընկերության երևանյան գրասենյակի պաշտոնական բացումը։ Աշխատանքային այս նոր տարածքը լիովին համահունչ է ընկերության հիմնական արժեքներին՝ արտացոլելով վստահություն, ստեղծարարություն և կենսունակություն:

Գրասենյակում նրբորեն համադրված են եվրոպական նրբագեղությունն ու հայկական մշակույթի ջերմությունը: Բնական նյութերի և յուրօրինակ դետալների օգտագործումը ստեղծում են մի միջավայր, որտեղ հաճախորդները, գործընկերները և աշխատակիցներն իրենց անկաշկանդ և ոգեշնչված են զգում:

Աշխատավայրում ճարտարապետական հետաքրքիր լուծումների, լուսավորության և գույների մանրակրկիտ ընտրությունը պատահական չեն․ Wilco-ն կարևորում է յուրաքանչյուր դետալ և գնահատում խոչընդոտների հաղթահարման ստեղծարար լուծումները։ Նոր գրասենյակի, թերևս, ամենահետաքրքիր անկյուններից է բուխարիով հագեցած սրահը, որը նախատեսված է ոչ միայն գործնական հանդիպումների, այլև բաց երկխոսության, համագործակցության և գաղափարների փոխանակման համար։

Երևանյան գրասենյակի բացման արարողությունը համախմբեց Wilco-ի գործընկերներին, հաճախորդներին և ընկերներին, որոնց ջերմորեն ընդունեցին գործադիր տնօրեն Իրինա Բելիշևան և գործադիր տնօրենի տեղակալ Օլգա Օմելչենկոն: Իր խոսքում տիկին Բելիշևան ընդգծեց, որ Wilco-ի առաքելությունը շատ ավելի լայն է, քան ֆինանսական ծառայությունների մատուցումը և չի սահմանափակվում աշխարհագրական սահմաններով,

Երևանյան գրասենյակը Wilco-ի փիլիսոփայության վառ մարմնավորումն է: Այստեղ վստահությունը, ստեղծարարությունն ու կենսունակությունն առաջնորդում են ինչպես ընկերության գործունեությունը, այնպես էլ՝ կապը հանրության հետ:

2025 թվականի ապրիլի 22-ին Wilco կապիտալի կառավարման ընկերությունը լիցենզավորվեց ՀՀ կենտրոնական բանկի կողմից, ինչով ավարտին հասցվեց ընկերության լայնամասշտաբ ռեբրենդինգի գործընթացը, և սկսվեց զարգացման խոստումնալից նոր փուլը։

Wilco-ի պատմությունը սկսվել է դեռ 2002 թվականի հուլիսի 7-ին, երբ Երևանում հիմնադրվեց «Ալֆասեքյուրիթիզ» ՍՊԸ-ն։ Մեկ տարի անց ընկերությունը մուտք գործեց Հայաստանի արժեթղթերի շուկա՝ ստանալով բրոքերային գործունեության լիցենզիա։ Այնուհետև, 2008 թվականին ՀՀ կենտրոնական բանկի կողմից ստանալով ներդրումային ծառայությունների մատուցման լիցենզիա (№ 0008)՝ ընկերությունն առավել ամրապնդեց իր դիրքը Հայաստանի ֆինանսական շուկայում։ 2016 թվականին այն ընդլայնեց իր գործունեության շրջանակը՝ ներառելով հավատարմագրային կառավարման և խորհրդատվական ծառայությունները։ Փորձառության, հաշվետու և թափանցիկ աշխատաոճի և հուսալիության շնորհիվ՝ կարճ ժամանակում ընկերությունը շուկայում ձեռք բերեց վստահելի և պրոֆեսիոնալ ֆինանսական հաստատության հեղինակություն։

2025 թվականին ավարտված ռեբրենդինգը խորհրդանշեց էական վերափոխում․ «Ալֆասեքյուրիթիզը» վերանվանվեց Wilco կապիտալի կառավարման ընկերություն՝ ճանաչված տեղական ֆինանսական հաստատությունից փոխակերպվելով կապիտալի կառավարման միջազգային հաստատության։

Ներկայում, Wilco-ն, հիմնվելով ֆինանսական ոլորտում ավելի քան քսան տարվա հաջողված փորձառության վրա, բարձր և գեր բարձր զուտ կարողություն ունեցող անհատներին առաջարկում է անհատականացված ֆինանսական և ոչ ֆինանսական ծառայությունների լայն ընտրություն։ Մշտապես առաջնահերթությունը տալով հաճախորդների կարիքներին և նրանց բարեկեցությանը՝ ընկերությունը հանձնառու է նյութական արժեքներից զատ առաջարկել փորձառություններ և հնարավորություններ՝ դարձնելով դրանք «արժեքավորից արժեքավորված»։

Wilco Wealth Management ընկերությունը մասնակցել է Դուբայում անցկացված MENA WealthBriefing Awards 2025 մրցանակաբաշխությանը և արժանացել միջազգային ճանաչման։ Միջոցառումը համախմբել էր տարբեր երկրների առաջատար ֆինանսական կազմակերպությունների։

Մրցանակաբաշխության հանդիսավոր արարողությունը կայացել է նոյեմբերի 20-ին՝ Դուբայի The Armani Hotel-ում։

Գալա երեկոյի ընթացքում Wilco Wealth Management-ի գործադիր տնօրեն Իրինա Բելիշեվան արժանացել է «Կապիտալի կառավարման ոլորտում տարվա կին առաջնորդ» կոչմանը։

Այս մրցանակը շնորհվում է այն առաջնորդներին, ովքեր կապիտալի կառավարման ոլորտում ինտեգրում են նորարար մոտեցումներ՝ շուկայի համար սահմանելով գերզանցության նոր չափանիշներ։

Իրինա Բելիշեվայի աշխատանքը բարձր է գնահատվել հատկապես իր ռազմավարական տեսլականի, մասնագիտական ներդրման և տարածաշրջանում ֆինանսական ոլորտի զարգացմանը նպաստող գործունեության համար։

«Այս մրցանակը մեր ամբողջ թիմի աշխատանքի արդյունքն է։ Այն ապացուցում է, որ Հայաստանը կարող է դառնալ համաշխարհային մակարդակի ֆինանսական փորձագիտության կենտրոն և որ ընտանեկան կապիտալի արդյունավետ կառավարումը հնարավոր է կառուցել վստահության, թափանցիկության և մարդկային արժեքների հիմքի վրա», – նշել է Wilco Wealth Management-ի գործադիր տնօրեն Իրինա Բելիշեվան։

ClearView Financial Media-ի գործադիր տնօրեն և WealthBriefing-ի հրատարակիչ Սթիվեն Հարիսը հավելել է.

«Յուրաքանչյուր մրցանակակիր և բարձր գնահատական ստացած կազմակերպություն անցել են խիստ և անկախ գնահատման գործընթաց և լիովին արժանի են իրենց այս տարվա ձեռքբերումներին»։

2002 թ-ին հիմնադրված և 2025 թ-ին ռեբրենդինգ անցած Wilco Wealth Management-ը ներկայացնում է ընտանեկան կապիտալի կառավարման ժամանակակից մոդել Հայաստանում։ Ընկերությունն աշխատում է միջազգային ընտանիքների, ձեռներեցների և բարձր եկամուտ ունեցող անձանց հետ:

Wilco-ի գործունեության հիմքում են վստահությունը, ստեղծարարությունը և կենունակությունը։ Ընկերությունն առաջարկում է բարեկեցության ապահովմանն ուղղված համալիր ֆինանսական և ոչ ֆինանսական լուծումներ․ ակտիվների կազմի ու կառուցվածքի կառավարումից մինչև կոնսիերժ աջակցություն և ժառանգության պլանավորում։

Wilco Wealth Management-ը գործում է Հայաստանի Հանրապետության Կենտրոնական բանկի վերահսկողության ներքո և ունի բրոքերային, ակտիվների կառավարման և ներդրումային խորհրդատվության ծառայություններ մատուցելու լիցենզավորում։ Wilco-ն Հայաստանում առաջին ընկերությունն է, որը ներդրել է միջազգային Market Responsiveness Index (MRI) մեթոդաբանությունը, որով գնահատվում է, կազմակերպության՝ հաճախորդների պահանջներին ու շուկայի փոփոխություններին արձագանքելու արդյունավետությունն ու արագությունը։

Այս մրցանակը ևս մեկ անգամ ընդգծում է Wilco-ի հետևողական ձգտումը՝ ձևավորելու ընտանեկան կապիտալի կառավարման բարձր մշակույթ Հայաստանում և տարածաշրջանում։

MENA WealthBriefing Awards մրցանակաբաշխությունը կազմակերպվում է Մեծ Բրիտանիայում գործող ClearView Financial Media ընկերության կողմից, որը նաև WealthBriefing-ի հրատարակիչն է։ Մրցանակաբաշխությունը ներկայացնում է մասնավոր բանկային, ընտանեկան գրասենյակների և կապիտալի կառավարման ոլորտների լավագույն փորձը՝ արժևորելով նորարար և հաճախորդակենտրոն ընկերությունների ու մասնագետների ամբողջ աշխարհում։

Wilco Wealth Management ընկերությունը World Finance Awards-ի կողմից արժանացել է «Կապիտալի կառավարման լավագույն ընկերություն, Հայաստան 2025» մրցանակի։ Ձեռքբերումը նշանակալի է, հատկապես, գլոբալ մասնավոր կապիտալի կառավարման ասպարեզում Հայաստանի կարևորությունը ճանաչելու առումով։

Կազմակերպիչների խոսքով՝ մրցանակը շնորհվում է այն ընկերություններին, որոնք շուկայի անկայունության, հաճախորդների աճող սպասումների և թվայնացման արագ տեմպերի պայմաններում պահպանում են որակի և թափանցիկության բարձրագույն չափանիշները։ 2025 թվականի հաղթողներն իրենց գործունեության ընթացքում ցուցաբերել են նորարարություն, գործառնական գերազանցություն և երկարաժամկետ հաճախորդակենտրոն զարգացման հեռանկար։

Ժյուրիի անդամները մատնանշել են, որ Wilco ընկերության որդեգրած մոտեցումը համապատասխանում է կապիտալի կառավարման միջազգային չափանիշներին և տարածաշրջանի համար սահմանում է նոր նշաձող։

Wilco-ից բացի, հաղթողների ցանկում աշխարհի առաջատար ընկերություններն են.

🇬🇪 Վրաստան՝ Bank of Georgia
🇦🇹 Ավստրիա՝ Kathrein PrivatBank
🇫🇷 Ֆրանսիա՝ BNP Paribas Banque Privée
🇨🇭 Շվեյցարի՝ Pictet
🇺🇸 ԱՄՆ՝ Northern Trust

Ստացված մրցանակն ընկերության ողջ թիմի ջանասեր աշխատանքի արդյունքն է։ Այն վկայում է, որ Wilco-ն Հայաստանում ձևավորում է կապիտալի կառավարման նոր մշակույթ՝ հասուն, պատասխանատու, հարմարվողական և ուղղված երկարաժամկետ արժեքի ստեղծմանը։

Փետրվարի 4-ին Wilco-ն մասնակցեց Հայաստանի ֆոնդային բորսայի (AMX) կողմից, Աբու Դաբիի բորսայում «Tabadul Hub»-ի հյուրընկալությամբ կազմակերպված «Բացահայտելով ներդրումային հնարավորությունները Հայաստանում» խորագրով ներդրումային ֆորումին։

Միջոցառումը կարևոր քայլ էր՝ ուղղված տարածաշրջանային և միջազգային կապիտալի շուկաներում Հայաստանի ավելի խոր ինտեգրմանը։ Քննարկումների առանցքում էին միջսահմանային կապակցվածությունը, ինստիտուցիոնալ համագործակցությունը և շուկաների տեխնիկական կապերը կապիտալի ակտիվ հոսքերի վերածելու հնարավորությունները։

Ֆորումը և դրա շրջանակում ծավալված քննարկումները վկայում են, որ Հայաստանը հետզհետե ընկալվում է ոչ թե որպես զուտ տեղական շուկա, այլև՝ ավելի լայն տարածաշրջանային ներդրումային էկոհամակարգի բաղկացուցիչ մաս։ Սա, իր հերթին, նոր հնարավորություններ է ստեղծում ինստիտուցիոնալ ներգրավվածության և երկարաժամկետ գործընկերությունների ձևավորման համար։

Տարածաշրջանային և միջազգային կապիտալի շուկաներում Հայաստանի ինտեգրման արագացող տեմպերի պայմաններում վաղ փուլում կապերի և գործընկերությունների հաստատումը դառնում է ռազմավարական առավելություն։

Wilco-ն պատրաստ է երկխոսության այն ինստիտուցիոնալ գործընկերների հետ, որոնք հետաքրքրված են համագործակցության հնարավորություններով և Հայաստանի կապիտալի շուկայի շարունակական զարգացմանը ակտիվ մասնակցությամբ:

Հարգելի՛ ընթերցողներ,

Ուրախ ենք ներկայացնել 2026 թվականի երկրորդ եռամսյակի համար շուկայի զարգացման մեր կանխատեսումը, որում համադրել ենք տարբեր ակտիվների դասերի և տարածաշրջանների վերաբերյալ մեր դիտարկումները։

Աշխարհում ներկայիս զարգացումներով պայմանավորված՝ 2026 թվականի երկրորդ եռամսյակի համար դիտարկումներն էականորեն տարբերվում են դեռևս դեկտեմբերին հրապարակված մեր տարեկան կանխատեսման մեջ նկարագրվածներից։ ԱՄՆ-ի և Իսրայելի կողմից Իրանի դեմ իրականացված ռազմական գործողությունը և դրանով պայմանավորված Հորմուզի նեղուցի փակումը, որի միջոցով մատակարարվում է համաշխարհային նավթի մոտ 20%-ը, վերաձևավորել են ներդրումային միջավայրը՝ այնպիսի արագությամբ և ազդեցությամբ, որոնք քչերն էին կանխատեսում։

Brent տեսակի նավթի գինը գերազանցել է 100 ԱՄՆ դոլարը, Դաշնային պահուստային համակարգի գործունեությունը խիստ սահմանափակված է, ԱՄՆ սպառողական վստահության ինդեքսը նվազել է, արժեթղթերի շուկաները գործում են երկարատև անորոշության պայմաններում․ ներդրումային պորտֆելների կառավարումը պետք է նավարկի այս բոլոր զարգացումները։

Այս զեկույցում մենք թարմացրել ենք բաժնետոմսերի, պարտատոմսերի, հումքային և այլընտրանքային ակտիվների վերաբերյալ մեր կանխատեսումները՝ հաշվի առնելով նկարագրված զարգացումները։ Մեր հիմնական ուղերձը՝ կարգապահ զգուշավորություն է, ոչ թե խուճապը։

Առաջարկում ենք ծանոթանալ ամբողջական զեկույցին և կապ հաստատել մեզ հետ՝ ձեր նպատակներին, սահմանափակումներին և ժամանակային հորիզոնին համապատասխան ներդրումային լուծումներ քննարկելու համար։

WILCO շուկայի հեռանկար 2026 թվականի երկրորդ եռամսյակում (ներբեռնել PDF)

Անցյալ շաբաթ Wilco Wealth Management ընկերությունը որպես գլխավոր գործընկեր մասնակցեց Cbonds-ի կողմից կազմակերպված «Capital Markets Armenia» չորրորդ ամենամյա համաժողովին։

Համաժողովը մեկնարկեց Wilco-ի կողմից կազմակերպված երեկույթով, որը, պաշտոնական մեկնարկին ընդառաջ, շուկայի մասնակիցներին հնարավորություն ընձեռեց ծանոթանալ և մասնագիտական քննարկումներ վարել ոչ ֆորմալ միջավայրում։

Հիմնադրումից ի վեր «Capital Markets Armenia» ամենամյա համաժողովն արդեն հասցրել է դառնալ Հայաստանի և ավելի լայն տարածաշրջանի կապիտալի շուկաների զարգացմանը նվիրված կարևոր մասնագիտական հարթակներից մեկը։

Այս տարի ևս այն համախմբել էր կարգավորող մարմինների, առաջատար առևտրային բանկերի, կապիտալի կառավարման և ներդրումային ընկերությունների, միջազգային ֆինանսական կազմակերպությունների ներկայացուցիչների։

Քանի որ Հայաստանը շարունակում է իրականացնել կապիտալի շուկայի ընդլայնման և միջազգային ֆինանսական համագործակցության ամրապնդման իր ռազմավարությունը, համաժողովը հնարավորություն տվեց փոխանակել տեսակետներ, քննարկել շուկայի հեռանկարները և բացահայտել նոր ներդրումային հնարավորություններ։

Համաժողովը բացվեց Wilco Wealth Management-ի գլխավոր տնօրենի տեղակալ Օլգա Օմելչենկոյի ողջույնի խոսքով, ով ընդգծեց նման հարթակների կարևորությունը ֆինանսական շուկաների զարգացման համար․

Միջոցառման ընթացքում ընկերության Պորտֆելների կառավարման բաժնի ղեկավար Դենիս Ագապոնովը ներկայացրեց Wilco-ի թիմի տեսակետներն առաջիկա տարում համաշխարհային շուկաների զարգացման վրա առանձնակի ազդեցություն ունեցող մի շարք թեմաների շուրջ։

Քննարկման առարկա դարձան․

• Արհեստական բանականության (AI) ոլորտում ներդրումները

Ամպային ծառայություններ մատուցող խոշոր ընկերությունների կողմից AI ենթակառուցվածքների վրա ծախսերը շարունակում են աճել կտրուկ տեմպերով։ Կանխատեսվում է, որ 2023թ․-ի 149 մլրդ ԱՄՆ դոլարից՝ 2026թ․-ին դրանց ծավալը կհասնի մոտ 659 մլրդ ԱՄՆ դոլարի։ Թեև այս պարագայում ակնհայտ շահառուները չիպեր և ենթակառուցվածքներ արտադրողներն են, սակայն ծրագրային ապահովման ոլորտի որոշ հատվածներում նկատվել են խորը փոփոխություններ, որոնք ժամանակի ընթացքում կարող են ստեղծել շահույթ ստանալու յուրօրինակ հնարավորություններ։

• Միջազգային բաժնետոմսերի նկատմամբ հետաքրքրության վերականգնումը

ԱՄՆ շուկայի երկարամյա գերակայությունից հետո միջազգային շուկաները, հատկապես Ասիայում և Եվրոպայի որոշ հատվածներում, կրկին հայտնվում են ուշադրության կենտրոնում։ Սա պայմանավորված է ակտիվների արժեքի նկատմամբ սպասումների ու շուկայական գնահատման տարբերություններով, դիվերսիֆիկացման հոսքերով և կառուցվածքային միտումներով, ինչպիսիք են՝ դոլարից աստիճանական հեռացումը։

• Մակրոտնտեսական անորոշություն և տոկոսադրույքներ

ԱՄՆ տոկոսադրույքների ապագա ուղղության, մաքսային քաղաքականության և Դաշնային պահուստային համակարգի ղեկավարության հնարավոր փոփոխությունների շուրջ հարցերը առաջիկա եռամսյակներում շարունակելու են մնալ շուկաների կարևոր շարժիչ գործոններ։

• Ոսկին՝ մակրոտնտեսական նոր միջավայրում

Կենտրոնական բանկերի պահանջարկը, աշխարհաքաղաքական անորոշությունը և արժութային դիվերսիֆիկացիան շարունակում են ամրապնդել ոսկու դերը ներդրումային պորտֆելներում։

Wilco-ի համար «Capital Markets Armenia»-ի նման համաժողովներին մասնակցելը կարևոր է ոչ միայն սեփական տեսակետները ներկայացնելու տեսանկյունից։ Այսպիսի միջոցառումները համաշխարհային ներդրումային համայնքի շրջանակում ավելի լայն երկխոսության մաս են հանդիսանում, ընձեռելով հնարավորություն՝ փոխանակելու կարծիքներ, նետելու մարտահրավեր հաստատված պատկերացումներին և մնալու տեղեկացված ֆինանսական շուկաները ձևավորող զարգացումների մասին։

Նոր քարտը համատեղում է Evoca Visa Infinite-ի արտոնություններն ու Wilco-ի անհատականացված ֆինանսական փորձագիտությունը:

Evocabank-ը եւ Wilco կապիտալի կառավարման ընկերությունը հայտարարում են Visa Infinite դասի հատուկ թողարկման համատեղ քարտի ստեղծման մասին: Evocabank-ի կողմից սահմանափակ քանակով թողարկված այս քարտը համատեղում է բանկի արտոնություններն ու Wilco-ի կապիտալի կառավարման բարձրակարգ փորձառությունը՝ դարձնելով այն հաճախորդների առօրյա կյանքի անբաժանելի մասը: Քարտը կարող են ստանալ ինչպես Wilco-ի այն հաճախորդները, որոնք արդեն ունեն կամ կբացեն հաշիվ Evocabank-ում, այնպես էլ Evocabank-ի այն հաճախորդները, որոնք կբացեն ներդրումային հաշիվ Wilco-ում:

Այս քարտը նախատեսված է միջազգային կենսակերպ վարող հաճախորդների համար, ովքեր գնահատում են անհատականացված մոտեցումը եւ ցանկանում են ստանալ բանկային սպասարկումն ու կապիտալի կառավարումը՝ որպես մեկ անթերի փորձ։

Քարտապաններին հասանելի կլինի Evocabank-ի եւ Visa Infinite-ի արտոնությունների ողջ փաթեթը՝ առաջնահերթ մուտք աշխարհի տարբեր օդանավակայանների VIP սրահներ, ճամփորդական ընդլայնված ապահովագրություն, շուրջօրյա կոնսիերժ ծառայություն եւ պրեմիում բրենդների հատուկ առաջարկներ: Բացի այդ, այս բացառիկ թողարկման շրջանակում քարտապանները կստանան հնարավորություն Երեւանի կենտրոնում գործնական եւ անձնական հանդիպումների համար օգտվելու Wilco-ի պրեմիում գրասենյակի հանդիպումների տարածքներից, ինչպես նաեւ կստանան lifestyle եւ ֆինանսական ոլորտների էքսկլյուզիվ միջոցառումների հրավերներ:

Որպես բացառիկ առավելություն՝ հաճախորդներին կտրամադրվի անվճար "wealth check"՝ Wilco-ի առաջատար փորձագետների կողմից ներդրումային պորտֆելի եւ ընդհանուր ֆինանսական վիճակի անհատական, խորքային գնահատում: Այն թույլ է տալիս բացահայտել արտաքուստ կայուն պորտֆելի թաքնված խոցելի կետերն ու չբացահայտված հնարավորությունները, որոնք առանցքային են կապիտալի երկարաժամկետ զարգացման համար: Ինչպես կանխարգելիչ բժշկական զննումը,այնպես էլ այս գնահատումն առավել արդյունավետ է վաղ փուլում իրականացնելիս. ժամանակին արված ախտորոշումը տալիս է գլխավոր առավելությունը՝ ռազմավարական քայլեր ձեռնարկելու հնարավորություն:

«Կապիտալի կառավարումը միայն ակտիվների հետ աշխատանքը չէ, այն ընդհանուր պատկերը հասկանալու մասին է: Մենք հաճախորդի ֆինանսական կյանքին նայում ենք համապարփակ՝ ուշադրություն դարձնելով այն բանին, թե ինչպես է նա ապրում, ծախսում, ճամփորդում ու կայացնում որոշումներ: Քանի որ առօրյա բանկինգն այս իրականության անբաժանելի մասն է, այս քարտը դարձավ մեր մոտեցման բնական արտացոլումը: Հայաստանի առաջատար բանկերից մեկի՝ Evocabank-ի հետ գործընկերությունը, որի հետ մեզ միավորում է ընդհանուր բաժնետերը, հրաշալի հնարավորություն տվեց այս փիլիսոփայությունը մարմնավորել շոշափելի, գործնական մակարդակում: Ունենալով միաժամանակյա հասանելիություն թե՛ պրեմիում բանկինգին եւ թե՛ կապիտալի պրոֆեսիոնալ կառավարմանը՝ հաճախորդն իր համար բացահայտում է սպասարկման սկզբունքորեն այլ մակարդակ», — նշել է Wilco-ի գլխավոր գործադիր տնօրեն Իրինա Բելիշեւան։

«Evocabank-ում մենք հավատում ենք, որ ժամանակակից ֆինանսական լուծումները պետք է լինեն հարմար՝ միեւնույն ժամանակ համապատասխանելով հաճախորդների կենսակերպին եւ երկարաժամկետ նպատակներին։ Այս նախագիծը միավորում է Evocabank-ի պրեմիում բանկային փորձառությունն ու Wilco-ի կապիտալի կառավարման պրոֆեսիոնալ փորձագիտությունը՝ ստեղծելով առաջարկ, որն արտացոլում է մեր հաճախորդների սպասումներն ու կարիքները», — նշել է Evocabank-ի Վարչության նախագահ Կարեն Եղիազարյանը։

Քարտի գործողության ժամկետն է 5 տարի, իսկ սպասարկման միանվագ վճարը՝ գործողության ամբողջ ժամկետի համար 300,000 ՀՀ դրամ։ Քարտի սահմանափակ թողարկմանը միանալու պայմանները, մանրամասն տեղեկատվությունը եւ հայտի ձեւը հասանելի են Wilco-ի պաշտոնական կայքում՝ wilco.am/am/card

Wilco

Wilco-ն կապիտալի կառավարման ընկերություն է, որը ներդրումային ծառայություններ է մատուցում բարձր զուտ կարողություն ունեցող անհատներին(HNWI), ընտանեկան գրասենյակներին եւ կորպորատիվ հաճախորդներին: Wilco-ն վերահսկվում է ՀՀ Կենտրոնական բանկի կողմից։

Evocabank

Որպես Հայաստանում գրանցված առաջին առեւտրային Բանկ՝ Evocabank-ը ոչ միայն մատուցում է արագ, հարմար եւ նորարարական բանկային ծառայություններ, այլ նաեւ խթանում է ժամանակակից բանկային մշակույթը։

Բանկը հատուկ ուշադրություն է դարձնում թվային պրոդուկտների եւ ծառայությունների զարգացմանը՝ ստեղծելով մի միջավայր, որտեղ ցանկացած ֆինանսական գործարք կարող է իրականացվել առանց Բանկ այցելելու՝ անմիջապես EvocaTOUCH հավելվածի միջոցով։

Բանկը կարեւորում է փոքր եւ միջին ձեռնարկությունների (ՓՄՁ) դերը Հայաստանում եւ ֆիզիկական անձանց ու ՓՄՁ-ներին տրամադրում է ժամանակակից թվային գործիքներ, գերարագ եւ ճկուն ֆինանսական լուծումներ, ինչպես նաեւ ոլորտի առաջատար մասնագետների կողմից անհատականացված աջակցություն։

Դրա մասին են վկայում հեղինակավոր միջազգային ամսագրերի եւ կազմակերպությունների կողմից ստացած բազմաթիվ մրցանակները, ինչպիսիք են՝ «Լավագույն բանկը Հայաստանում», «Լավագույն թվային բանկը Հայաստանում», «Լավագույն ՓՄՁ բանկը Հայաստանում», «Լավագույն բանկային հավելվածը Հայաստանում» եւ այլն։